كفتة بطاطس سريعه ومظبوطه { بالخطوات المصورة }

من طرف **ورد محمدي** الثلاثاء أبريل 07, 2009 3:35 pm

السلام عليكم ورحمة الله وبركاته

الكفته هذي لذيذه مره ومظبوطه وماتاخذ وقت
ياليت تعجبكم

ونبدا بالطريقه المصوره

اول شي اسلقي بطاطس كامل بقشره عشان تحافظين
عليه من المويه لا تدخله وتحافظين على النكهه
مثل ماتشوفين
.[ندعوك للتسجيل في المنتدى أو التعريف بنفسك لمعاينة هذه الصورة]

وبعد ماتستوي نقشرها ونتبلها بالملح والفلفل الاسود
ومقدار ملعقه زبده ولو تكون مو مسيحه افضل
لانها بتسيح من حرارة البطاطس

[ندعوك للتسجيل في المنتدى أو التعريف بنفسك لمعاينة هذه الصورة]

ونهرسها بالشوكه ونضيف لها ملعقة جبن كرفت شدر
وملعقه بقسماط عشان تمسك ماتتفكك عليك

[ندعوك للتسجيل في المنتدى أو التعريف بنفسك لمعاينة هذه الصورة]

ونبدا نحشيها بالحشوه اللي تفضلين ممكن عصاج لحم او دجاج
او تونه او خضار انا حشيتها بجبن كرفت شدر مبشور مع جبن موتزريلا
بس يكون مقدار الموتزريلا نص الشيدر يعني كاس شدر
معه نص كاس موتزريلا
ولا تكثرين حشوه شي بسيط علشان ماتسيح اثناء القلي وتفك معك
وهذا شكلها بعد الحشو والتشكيل

[ندعوك للتسجيل في المنتدى أو التعريف بنفسك لمعاينة هذه الصورة]

وبعدين نغمسها في البيض ونغطيها بالبقسماط بهالشكل
على فكره انا حطيت بقسماط بره عشان جذي لونها غامج

[ندعوك للتسجيل في المنتدى أو التعريف بنفسك لمعاينة هذه الصورة]

ونبدا بالقلي والزيت يكون خفيف يعني يغطي نص الكفته
ويكون حامي مره وشقريها بسرعه واقلبيها على الجهتين
وطلعيها على السريع لانها ماتحتاج سوا كلها مستويه
ماتحتاج الا تشقير وطلعيها على ورق نشاف ولاتغطينها
خليها تتهوى وتطلع البخار اللي جوا وتقرمش من برى
لانك لو غطيتيها بتذبل وبتموع معك
وهذا شكلها بعد القلي

[ندعوك للتسجيل في المنتدى أو التعريف بنفسك لمعاينة هذه الصورة]

وصوره اقرب

[ندعوك للتسجيل في المنتدى أو التعريف بنفسك لمعاينة هذه الصورة]

وهذا شكلها من جوى والجبن سايح والطعم جناااااان

[ندعوك للتسجيل في المنتدى أو التعريف بنفسك لمعاينة هذه الصورة]

يااااااااااااااااسلام

[ندعوك للتسجيل في المنتدى أو التعريف بنفسك لمعاينة هذا الرابط]

تقبلي مروري

من طرف **الأموره** الأربعاء أبريل 08, 2009 6:33 pm

مررررررررررررررررره سهل
ومن شكلوا واضح أنه لذيذذذذذذذ
يعطيك العافيه
من رائع لأرووووووووووع

[ندعوك للتسجيل في المنتدى أو التعريف بنفسك لمعاينة هذا الرابط]

كفتة بطاطس سريعه ومظبوطه { بالخطوات المصورة }

كفتة بطاطس سريعه ومظبوطه { بالخطوات المصورة }

رد: كفتة بطاطس سريعه ومظبوطه { بالخطوات المصورة }

رد: كفتة بطاطس سريعه ومظبوطه { بالخطوات المصورة }