يلعن امكـ ياشيخ||ـه...قويهـ صح؟؟؟

من طرف **ورد محمدي** الأربعاء أبريل 01, 2009 4:17 pm

بسم الله الرحمن الرحيم

[ندعوك للتسجيل في المنتدى أو التعريف بنفسك لمعاينة هذه الصورة]

الســـلام عليكم ورحمة الله وبركاته ..

بصراحه فيـه موضوع شدني واحنـا غافلين عنه من جد ..

ما تلاحظون إن كلمـة [ يلعن امكـ ] إنتشرت إنتشار غريـب و مريب ..

وصار اللي يقولها عــااادي جـدآ .. كانه قايـل [ السلامـ عليكـم ] ..!

و الأغرب إن اللي تنقـال له عـادي عنده ..!!

كيـف ترضى على أمك ؟! و ليش ؟!

بعض الشبـاب ""وحتــى بعض البنات"" اللحين بالعكس صارت عندهم يلعـن أمـك مدحه ..!!

أو هذا تعبير عن الحماس في سالفـةٍ مـا !

×

مثـلآ ..

يجي واحد يقول : والله أمس سويت كذا وسويت كذا ..

يجي الثاني يقول : يلعـن أمـك ياشيخ ..!!

و إذا قال لـه [ يلعـن أمـك ] مـدّ هالخشه شبرين كأنه قايل له شعر يمدحه ..!

و إلاّ بعض الشبـاب .. واحد يسأل الثـاني : وش رايك باللاعب الفلاني ..؟

يقول : يلعـن أمممممممممه يلعـب من جد ..!

طيب أبي أفهـم .. وش دخل أمــه بالموضوع ..؟!

للأسف الشديد إن الكلمـة هذي منتشره عندنا إنتشار كبيـر ..

و الآن حاصله مع الشباب في جلساتهم ..

د: وينك أمس يلعـن أمـك ؟

خ : أبد رحت مع فلان الله يلعـن أمه .

د: ليه ماقلتلي إنك بتروح معه الله يلـعن أمـك أنت ويّاه ؟

خ: وش دراني إنك بتروح يلعـن أمك !

د: ههههههههههههههههه .

خ: هههههههههااااااااي .

ولاَ كأنه صار شي ...!!

×

وللأسف إنها تقريبـآ أكثر كلمـة تنقال هالأيام ..

وكم واحد تسأله عن هالكلمه .. بيقول لك : صارت عاده ..!

هذا جـواب أبـيخ من الفعل ..

مافيه شي تتعود عليه وإنت تدري انـه موب زين ولا تقدر تخليه ..!

يمكن إنت تغفـل أو تـتـغـافل عن الذنب اللي تحصلـه من هالكلمـة ..!

بس لا تنسى و إنت تقول هالكلمـة أنك تسوي شيء من الكبــائـر ..

أنت تخيلت معي ..؟!

كبـائـر الذنـوب ..!!

صحّ عنه صلى الله عليه وسلم أنه قال : { من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .

×

..؟

وش رايــكم
وش الحل لهذهـ المشكلهـ الخطيرهـ؟؟؟

//

كل الـــــــــــــود لكم أحبتــــي

م __

من طرف **الأموره** الأربعاء أبريل 01, 2009 7:07 pm

[ندعوك للتسجيل في المنتدى أو التعريف بنفسك لمعاينة هذا الرابط]
أنا معك خيتو ليس فقط في لعن الأم
كلمة اللعن نفسها اصبحت شي عادي تسمعها من الصغير قبل الكبير
والمشكله حتى اذا ربيت اطفالك على عدم سماع مثل هذي الكلمات ماتأمن
العالم الخارجي اللي يختلطوا فيه بس علينا نبذل مجهودنا في محاربة هذه
الأمور وتحذير اطفالنا منها

يعطيك العافيه على الموضوع القيم

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]