معجنات بشكل حلو و طعم أحلى // بالصور

من طرف **ورد محمدي** السبت مايو 23, 2009 1:00 pm

[ندعوك للتسجيل في المنتدى أو التعريف بنفسك لمعاينة هذه الصورة]

اللي سويته هنا هو النوع الثاني... و نبدأ بسم الله مع مقادير العجينة و الطريقة...

1 ملعقة كبيرة خميرة
1 ملعقة كبيرة سكر
ربع كوب ماء فاتر

في بادية صغيرة، نخلط هذي المقادير مع بعض و نخليها على جنب 5 دقايق عشان تنفش...

[ندعوك للتسجيل في المنتدى أو التعريف بنفسك لمعاينة هذه الصورة]
باقي مقادير العجينة...

3 أكواب طحين
إصبع زبدة بحرارة الغرفة
ربع كوب سكر
كوب كريمة خفق
صفار 3 بيضات و نحتفظ بالبياض عشان ندهن فيه وجه المعجنات
نص ملعقة صغيرة ملح

أول شي نفرك الطحين مع الزبدة لحد ما يصير مثل فتات الخبز، بعدين نضيف له باقي المقادير مع الخميرة و نعجن...

[ندعوك للتسجيل في المنتدى أو التعريف بنفسك لمعاينة هذه الصورة]
بتصير عندنا عجينة ناعمة و متماسكة... تغطيها بورق نايلون و نخليها تخمر في الثلاجة عالأقل 12 ساعة!!! طبعاً هالمدة طويلة كثير و أنا خليتها بس ساعة لأني كنت مستعجلة، لكن اللي عندها وقت كافي تقدر تخليها J
أنا سويت نوعين من العجينة، نص مالح و رشيت عليه خلطة مكونة من:

ثلث كوب جبن بارميزان مبشور
ملعقة صغيرة ملح الثوم
نص ملعقة صغيرة أوريغانو

و النص الثاني سويته حلو، و رشيت عليه هذي الخلطة:

ربع كوب جوز هند
3 ملاعق كبيرة سكر بني
1 ملعقة كبيرة سكر عادي
ربع ملعقة صغيرة دارسين "قرفة"

وهذي الخلطتين مع بعض...

[ندعوك للتسجيل في المنتدى أو التعريف بنفسك لمعاينة هذه الصورة]

نقسم العجينة نصفين، و نبدا نشتغل... نفردها بشكل مستطيل تقريباً 35 سم X 20 سم، و بسمك نصف سم...
بالقطاعة الرول نبدا نقطع شرايط بعرض 1 و نصف سم تقريبأ... و نحاول نقص العجينة من الجوانب عشان تطلع مرتبة...

[ندعوك للتسجيل في المنتدى أو التعريف بنفسك لمعاينة هذه الصورة]

الحين ناخذ شريط من العجينة و نلفه مثل طريقة العقدة...
[ندعوك للتسجيل في المنتدى أو التعريف بنفسك لمعاينة هذه الصورة]

نصف المعجنات في صينية فرن و ندهنها ببياض البيض، و نرش عليها من الخلطات اللي سويناها...
هذي الصينية اللي رشيت عليها خلطة جوز الهند...

[ندعوك للتسجيل في المنتدى أو التعريف بنفسك لمعاينة هذه الصورة]

و هذي خلطة البارميزان...

[ندعوك للتسجيل في المنتدى أو التعريف بنفسك لمعاينة هذه الصورة]

ندخل الصينية في الفرن على حرارة 350 و لمدة ربع ساعة... أنا خليتها 10 دقايق من تحت بعدين ولعت عليها من فوق عشان تتحمر...

و حلو تتقدم مع الشاي أو الحليب...

و هذا الشكل النهائي...

[ندعوك للتسجيل في المنتدى أو التعريف بنفسك لمعاينة هذه الصورة]