هذه بعض حركات البنات في الامتحانات وقت المذاكره........ّّ

من طرف **لؤلؤة شرقية** الجمعة مارس 20, 2009 1:32 am

هذه بعض حركات البنات في الامتحانات ، والواحد اكيد سبق وحصل له نفس ماحصل للبنات اثناء المذاكره ، سواء بنات او اولاد.:
1 - الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة
ياحراااام ،، واحيانا تزيد وجبات اضافية اذا كانت المادة دسمة .
2- تقعد تسوي نفسها طفشانه وتعبانه ويااااااربيه ماني قادرة اذاكر مدري وشفيني حاسة اني
متضايقه ..الظاهر احد عاملي عمل او صابني عين ... تقعد امها تقول باسم الله عليك... تعالي اقرا
عليك يابنيتي ..
كل هذا عشان اذا رسبت يقولون عين ..
3- بعضهن ينزل عليها وسواس نظافة ايام الامتحانات تتروش الصبح والليل وتستشور شعرها كل
مرة طبعا مايصير تخليه يخرب وبكره كيف تروح الجامعة والكتاب على جنب طبعا هذي من واجباتها
اليومية ماتقدر تتركها عشان تذاكر مايصير.
4- هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات
على طول فيه عرس فلانه بنت فلان لازم تحدد وش تلبس من الحين ... لا وبعضهن ليلة الاختبار
عند الخياطة رايحه تسوي بروفه ..
الله من قل الدبره بس.
5- وبعضهن تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها ...
تبي تشوف شو صار عليها وتشغلها عن المذاكره ..
6- وهذي تنزل عليها الشطارة فجأة تقوم تسوي العشا لاهلها .. وتغسل الصحون عن الشغالة
وتقولها اطلعي نامي انتي خلاص انا اكمل..
7- وهذي مبتليها ربي بحب الجوال قالبتها تشات حشا مو مسجات وماتصحى على نفسها الا قبل
الفجر بساعتين..
-8 وهذي المسكينه اللي من قل الحيله توجع القلب لاقفلت معها قضبت المخده ونامت لين
تصحى وتقول يووووووه راحت علي نومه..
9- وهذي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق
الا رايح جاي رايح جاي .... يعني اذاكر .. وامها ايه يابنيتي وش تبين بس ... قال ايش تبي
تساعدها عشان تفتح نفسها للمذاكرة وما تدري ان كل ذا هروووووب ... ذا النوع ماتنتهي
الامتحانات الا وهي زايده 4 كيلو